SHOWBIZ NEWS NOW NA! Ni Boy Abunda (Pilipino Star Ngayon) Updated October 20
Kamakailan ay napabalitang magmi-military training si Sam Milby para sa bago niyang teleserye na Alta. Ito ay bilang paghahanda sa kanyang role sa nasabing serye.
“Nagulat din ako kasi nag-military training kami pero ’yung show hindi naman siya tulad ng Minsan Lang Kita Iibigin. They wanted us to learn more discipline and proper posture na very military ang nature,” pahayag ni Sam.
Nakasama ng binata sa military training ang mga co-actors na sina Luis Manzano at Zanjoe Marudo. Talaga namang nag-enjoy sila ng sobra sa kanilang mga ginawa. “Tatlong araw ’yung training namin sa marines. ’Yung first day kami ni Luis ang magkasama. Nag-aral kami ng rhythmic commands, lahat ng marches and drills. Kung ano ’yung tamang posisyon ng bawat parte ng katawan.
“On the second day, we learned how to assemble and disassemble the parts of an M16 rifle. Meron kaming contest ni Zanjoe and panalo ’yung team ko,” pagmamalaki ni Sam.
Kapatid ni Gretchen Barretto si Sam sa Alta kaya ngayon pa lamang ay pinaghahandaan na niya ang kanyang mga isusuot para hindi alangan sa mga isusuot ni La Greta. “Hindi pa naman sinasabi kung ano ang kailangan. Siyempre high society so baka tailored suits by Francis Libiran. Sanay na rin ako dahil mula noong Maging Sino Ka Man days and even with Dyosa, halimaw ako pero kapag tao, naka-business suit pa rin ako,” dagdag pa ni Sam.
Excited na rin ang aktor na makatrabaho si Gretchen sa isang teleserye sa unang pagkakataon. “Of course, hindi pa kami nagkikita sa workshop. First time naming magkakatrabaho sa isang teleserye. I’m sure magaling siya dahil seryoso siya sa craft niya. Excited din ako kasi ang partner ko either si KC Concepcion or Angelica Panganiban,” pagtatapos ni Sam.
read more here:
http://www.philstar.com/Article.aspx?articleId=739259&publicationSubCategoryId=96&utm_source=feedburner&utm_medium=feed&utm_campaign=Feed%253A+ShowbizNewsNowNa+%2528ShowbizNewsNowNa%2529
No comments:
Post a Comment